في هذا الموضوع سوف تستطيع ان تحصل علي خصم 50% لمدة 4 شهور علي الانترنت او ال ADSL من شركة اتصالات للعملاء الحالين , والحقيقه انني اكتشفت الطريقه بالصدفه . وملخص الموضوع ان شركة اتصالات تطبق (سياسه الاستخدام العادل) وهي تعني ان لك عدد من الجيجات تصفح وداونلود علي السرعه المتعاقد عليها وبعد الانتهاء من هذه الجيجات تهبط السرعه الي 256 كيليوبايت
وتعتبر هذه نقطة ضعف في شركة اتصالات في حين ان هناك شركات مثل TE data و Link ADSL تعطيك السرعه غير محدوده طول الشهر ..
وبعد هذه المقدمه نأتي للطريقه التي من خلالها سوف تحصل علي خصم من شهرين الي اربع شهور 50%
أولا عليك الاتصال بخدمة العملاء علي رقم 16511,ثم تقول لهم انك تريد انهاء الخدمة كليا
وبالطبع سوف يسألك بكل احترام (ممكن اعرف ليه يا فندم حضرتك عايز تفصل الخدمه)
تقوم انت رادد بكل برود (حضرتك الباقه مش بتكفيني وبتخلص في اول اسبوع وبقيه الشهر بكمل علي سرعة 256 وانا بدفع مقابل سرعه اعلي من كدا بكتير ودا ما ينفعش خالص )
هيقعد يلت ويعجن ويقولك دا قرار من وزارة الاتصالات ولازم الشركة تنفذه ,
قوله(طيب ليه القرار دا مش مطبق علي شركات TE data والا Link) هيقعد يلف ويدور ..المهم اثبت علي موقفك لحد ما يقولك (طيب حضرتك انا باعرض عليك خصم 50% لمدة شهرين مقابل ان حضرتك ما تفصلشي الخدمه)
ممكن في الوقت دا ترضي واهو شهرين شئ مش بطال..او ممكن تصر علي موقفك وهوا هيعرض عليك اربع شهور خصم 50% ولو ما عرضشي عليك اثناء المكالمه .,في واحد تاني هيتصل بيك بعدها بساعتين تقريبا وهيعرض عليك خصم اربع شهور
وبالطريقه دي تحصل علي الخصم بدون اي مجهود ويمكنك تكرار الموضوع دا بعد كل شهرين من انتهاء العرض
ملحوظه:- الطريقه دي ان مجربها وبتجيب نتيجه بنسبة 100 % ,وجرب وقولي عملت ايه…؟؟
انت طلعت حاوي